Այս անգամ զրուցում ենք Gregorio Travel-ի տնօրեն Գրիգորի հետ՝ մի մարդու, ով հավատում է, որ ճամփորդությունը պարզապես ճանապարհ չէ, այլ՝ վերաբերմունք դեպի կյանքը։
Ինչպե՞ս սկսվեց Gregorio Travel-ի պատմությունը
«Ամեն ինչ սկսվեց ոչ թե տուրիստական գրասենյակից, այլ հասարակական կազմակերպությունների հետ համագործակցությունից։
Մենք աշխատում էինք ՀԿ-երի հետ և տեսանք, թե ինչպես կարող է ճանապարհորդությունը փոխել մարդկանց մտածողությունը։
Այն կապում է տարբեր մշակույթների, մարդկանց, բացում է նոր հնարավորություններ։
Այդ փորձն էլ դարձավ մեր հիմքը՝ ստեղծելու գործակալություն, որտեղ ամեն ճամփորդություն ունի իմաստ և հոգի»։
Հիշու՞մ եք ձեր առաջին հաճախորդին
«Անկեղծ ասած՝ անունը չեմ հիշում, բայց հստակ հիշում եմ զգացողությունը։
Այն պատասխանատվության և ոգևորության խառնուրդն էր, երբ առաջին անգամ ինչ-որ մեկը վստահում է քեզ իր երազանքը։
Այդ օրը հասկացա՝ սա պարզապես աշխատանք չէ, սա վստահություն է, որը պետք է ամեն անգամ արժանանալ»։
Կա՞ զվարճալի կամ անսպասելի պատմություն ձեր աշխատանքից
«Մի անգամ հաճախորդը հատուկ գրել էր՝ “խնդրում եմ, թող սենյակը լինի սպիտակ վարագույրներով”։
Սկզբում զարմացանք՝ ինչու է դա այդքան կարևոր, բայց, իհարկե, կազմակերպեցինք։
Երբ նա վերադարձավ, ասաց, որ հենց այդ սպիտակ վարագույրներն են իրեն տվել հանգստություն և խաղաղություն։
Այդ պահը մեզ սովորեցրեց՝ մանրուքներ չկան․ յուրաքանչյուր մանրուք կարող է փոխել ամբողջ ճանապարհորդության տրամադրությունը»։
Եթե երեք բառով նկարագրեիք ձեր գործակալությունը
«Անկեղծություն, վստահություն, պատասխանատվություն։
Մենք երբեք չենք փորձում պարզապես վաճառել տուրեր։
Մեր նպատակը հարաբերություն կառուցելն է՝ հիմք դնելով անկեղծությունը։
Երբ մարդը զգում է, որ դու իսկապես հոգ ես տանում նրա ճանապարհորդության մասին, ամեն ինչ շատ ավելի հեշտ է դառնում»։
Ինչն են հաճախորդները ամենաշատը գնահատում ձեզ հետ աշխատելիս
«Անկեղծությունը։ Երբ խոսում ես պարզ, բաց ու մարդկային, մարդիկ դա զգում են։
Մենք փորձում ենք ոչ միայն ճիշտ կազմակերպել ուղևորությունը, այլև աջակցել մինչև վերջին օրը։
Եվ հաճախ հենց դա է մարդկանց վերադարձնում՝ շնորհակալությունը, ժպիտը, մեկ նոր ուղևորություն»։
Որոնք են այն ուղղությունները, որոնք ձեր կարծիքով կդառնան թրենդային 2026-ին
«Աֆրիկան, Մերձավոր Արևելքը և Ասիան։
Այդ ուղղությունները դեռ քիչ բացահայտված են, բայց հսկայական ներուժ ունեն։
Այստեղ մարդիկ գտնում են իսկական փորձառություն՝ առանց ֆիլտրերի, առանց ամբոխի։
Մենք ուզում ենք, որ մեր հաճախորդները զգան՝ աշխարհը մեծ է, բայց կարող է շատ մոտ լինել, եթե ընտրես ճիշտ ուղին»։
Ինչ խորհուրդ կտաք նրան, ով առաջին անգամ է պլանավորում ճամփորդություն
«Թող չվախենա դիմել տուրիստական գործակալությանը։
Շատերը մտածում են, թե ավելի հեշտ է ամեն ինչ անել ինքնուրույն, բայց իրականում ճիշտ մասնագետը օգնում է խնայել ժամանակ, գումար ու էներգիա։
Լավ կազմակերպված ճամփորդությունը սկսվում է վստահությունից։
Եվ մենք հենց դրա վրա ենք կառուցում մեր աշխատանքը»։
Եթե հնարավորություն ունենայիք փոխելու մի բան զբոսաշրջության ոլորտում, ինչ կփոխեիք
«Միգուցե կկրճատեի տուրիստականների քանակը։
«Եթե կարողանայի ինչ–որ բան փոխել զբոսաշրջության ոլորտում, կկրճատեի տուրիստական գործակալությունների քանակը։
Գործակալությունների ավելի սահմանափակ թիվը կօգներ բարձրացնել ծառայությունների որակը և ստեղծել ավելի կազմակերպված, թափանցիկ ու մրցունակ ոլորտ»։
Ինչ է սպասվում Gregorio Travel-ի համար առաջիկայում
«Մենք շարունակելու ենք բացել նոր ուղղություններ՝ Աֆրիկայից մինչև Ասիա։
Ուզում ենք առաջարկել այնպիսի փորձառություններ, որոնք կթողնեն հուշ, ոչ թե պարզապես լուսանկար։
Gregorio Travel-ի նպատակը մեկն է՝ յուրաքանչյուր ճանապարհորդություն դարձնել պատմություն, որ մարդը կհիշի ամբողջ կյանքում»։
Այս զրույցը մեզ ևս մեկ անգամ հիշեցրեց՝ զբոսաշրջությունը պարզապես տոմսեր և հյուրանոցներ չէ։
Այն մարդկանց պատմությունների շղթա է։
Եվ հենց այդ պատմությունները միասին են ձևավորում FlyFrom.am-ի համայնքը՝ անկեղծ, ապրող ու ճանապարհորդող։
📍 Միացիր FlyFrom.am, գրիր ուր ես ուզում մեկնել և ստացիր իրական առաջարկներ մեր վստահելի գործընկերներից՝ ընդամենը մի քանի րոպեում։
